THOTTAPPAN Book by FRANCIS NORONHA – Buy Short Stories, Rush Hours Books Online in India

Book Summary

മാറുന്ന കാലത്തിന്റെ അരികുജീവിതങ്ങളെ സൂക്ഷ്മമായി കാണുവാനുള്ള കണ്ണുണ്ടാവുക. ആ അവസ്ഥകളെ കൃത്യമായി അടയാളപ്പെടുത്തുവാനുള്ള ഭാഷയുണ്ടാവുക എന്നതൊക്കെ ചെറിയ കാര്യങ്ങളല്ല. അതൊക്കെയാണ് ഫ്രാന്‍സിസ് നൊറോണ എന്ന ചെറുപ്പക്കാരന്‍ തന്റെ കഥകളിലൂടെ സാധിക്കുന്നത്.

WRITE A REVIEW

Book Reviews

നെറൊണക്കഥകൾ

By Rajasree O K

അസ്വസ്ഥതയുടെ കാരമുള്ള് ഉള്ളിൽ തറയാതെ വായിച്ചു മുഴുമിക്കാനാകാത്ത കഥാസമാഹാരം. ആഖ്യാനത്തിലും ഭാഷയിലുമുള്ള പുതുമ തന്നെയാണ് നെറൊണ കഥകളുടെ ഇരമ്പുന്ന ജനപ്രീതിക്ക് പ്രധാനകാരണം. ഇന്ത്യൻ രാഷ് ട്രീയസാമൂഹിക അവസ്ഥകളുടെ കൃത്യമായ അടയാളപ്പെടുത്തലുകളാണ് ഓരോ കഥയും. കുടുംബം പുലർത്താനായി ആഴ്ചയിൽ മുഴുവൻ ദിവസങ്ങളും ജോലിക്ക് പോകേണ്ടി വരുന്ന പ്രകാശൻ - ചിമിരി ദമ്പതിമാരുടെ ജീവിതം നമ്മുടെ ചുറ്റുവട്ടത്ത് തന്നെ കാണാവുന്ന ഒന്നാണ്. വിദ്യാലയങ്ങളും സെമിനാരികളും ചൂഷണത്തിന്റെ അരങ്ങുകളാകുന്നതും വെറുതെ കൊടുക്കുന്ന അന്നത്തിൽ ഒളിപ്പിച്ചു വച്ചിരിക്കുന്ന കൊളുത്തും വരികളിൽ കാണാം. മാഗിയും കുഞ്ഞാടും നടാലിയായുമൊക്കെ പുസ്തകമടച്ചു വച്ചാലും ഏറെ നേരം മനസിൽ മായാതെ കിടക്കും. സാഹിത്യത്തിൽ അധികം കണ്ടിട്ടില്ലാത്ത ഭൂമികകളും മനുഷ്യജീവിതത്തിന്റെ ക്രൗര്യവും വന്യതയുമൊക്കെ വായനക്കാരനെ സ്തബ്ദനാക്കുമെന്ന് തീർച്ച. കഥകൾ പറഞ്ഞു പോകുന്നുവെന്നല്ലാതെ നിഴലും നിലാവും വേര്തിരിക്കാനുള്ള ചുമതല വായനക്കാരനെ ഏല്പിക്കുകയാണ് കഥാകാരൻ. ചെറുകഥയുടെ ശില്പഭംഗി വെളിപ്പെടുത്തിത്തരുന്ന ഏഴുകഥകൾ.

THOTTAPPAN

By : FRANCIS NORONHA

RELATED BOOKS

Search: