സി ജെ യുടെ പരീക്ഷണാത്മകമായ നാടകമാണ് 1128-ല്‍ ക്രൈം 27. പാരമ്പര്യ നാടകസങ്കല്പങ്ങളെ കാറ്റിൽ പറത്തിയാണ് ക്രൈം വിരാചിതമായിരിക്കുന്നത്. മലയാളത്തിലെ ആദ്യത്തെ 'അനാടകം' എന്ന ബഹുമതി നേടിയ നാടകം കൂടിയാണിത്. സമർത്ഥമായുള്ള ഐറണി പ്രയോഗങ്ങൾ ഈ നാടകത്തെ തികച്ചും വ്യത്യസ്‍തമാക്കുന്നു. പാരമ്പര്യ നിക്ഷേധിയും നവീന മാനവിക മൂല്യങ്ങളുടെ കാവൽക്കരനുമായ സി ജെ യെ നാടകത്തിൽ ദർശിക്കാം. പ്രവേശികഉൾപ്പെടെ നാടകത്തിന് പതിനൊന്നു രാഗങ്ങളുണ്ട്. ഗുരുവാണ് പ്രധാന കഥാപാത്രം.ശിഷ്യൻ ഉൾപ്പെടെയുള്ള മറ്റു കഥാപാത്രങ്ങൾ നാടകത്തിലെ മരണം എന്ന ഇതിവൃത്തത്തിന് സഹായകങ്ങളായ കഥാപാത്രങ്ങളായി മാറുന്നു.മരണം എന്ന സമസ്യ വളരെ വൈവിധ്യമായ തലങ്ങളിൽ ഈ നാടകത്തിലൂടെ സി ജെ ചർച്ച ചെയുന്നുണ്ട്. മരണത്തിൽ അനുശോചിക്കുന്നതിനേക്കാൾ അതിൽ നിന്നും നേടാവുന്ന ലാഭം കണക്കുകൂട്ടുന്ന സമൂഹത്തെ പരിഹസിക്കുകയാണ് ക്രൈം നാടകം. മൂന്നു പ്രാവശ്യത്തിൽ കൂടുതൽ അരങ്ങിൽ കയറാത്ത ക്രൈം നാടകത്തിനു അനുകരണങ്ങളും ഉണ്ടായിട്ടില്ല. നാടകത്തിൽ മരണത്തിനു വിധേയരാവുന്ന രണ്ടു കഥാപാത്രങ്ങളാണ് മാർക്കോസും വർക്കിയും . ഇവർ തമ്മിൽ കുമ്മായച്ചൂളയിൽ വച്ചുണ്ടാകുന്ന അടിപിടിക്കിടയിൽ മാർക്കോസ് കുമ്മായചൂളയിൽ വീണുമരിക്കുന്നതാണ് കഥ. വർക്കി മാർക്കോസിന്റെ ഘാതകനായി പോലീസ് പിടിയിൽ അകപ്പെടുകയും തുടർന്ന് മാർക്കോസിന്റെ മരണം പത്രക്കാരിലും കോടതിയിലും അയാളുടെ കുടുംബത്തിലും ഉണ്ടാക്കുന്ന വ്യത്യസ്‌ത അനുഭവങ്ങളിലൂടെ നാടകം മുന്നോട്ടുപോകുന്നു. 'ജീവിതത്തിനു നേരെ പിടിച്ച കണ്ണാടിയാകണം കല' എന്ന പ്രാചീന മതത്തെ എതിർത്ത സി ജെ ജീവിതം ജീവിതവും കല കല യുമായിരിക്കണം വീക്ഷണമാണ് ക്രൈം നാടകത്തിലൂടെ മുന്നോട്ട് വയ്ക്കുന്നത്.അന്നോളമുണ്ടായിരുന്ന നാടകഅഘ്യന രീതികളോടുള്ള വിയോജിപ്പ് അദ്ദേഹം പ്രകടിപ്പിക്കുന്നുണ്ട്.മതവും സംസ്കാരവുമെല്ലാം അനുനിമിഷം അന്യമായിക്കൊണ്ടിരിക്കുന്ന എന്ന് അല്പം അതിശയോക്തി കലർത്തി സി ജെ അവതരിപ്പിക്കുന്നു.