super

നിങ്ങള്‍ ആദ്യത്തെ പേജ് വായിച്ചു കയറിയാല്‍ മതി ആ ഇരിപ്പില്‍ തന്നെ അവസാനവരിയും വായിച്ചേ നിങ്ങള്‍ക്കീ പുസ്തകം മടക്കി വെക്കാന്‍ കഴിയുകയുള്ളു. അത്രമേല്‍ കാന്തമുള്ള,അത്രമേല്‍ നമ്മളെ കഥയുടെ അടുത്ത നിമിഷങ്ങളിലേക്ക്, അതിന്റെ ആകാംക്ഷയുടെ മുള്‍മുനയില്‍ നിര്‍ത്തുന്ന ഒരു പുസ്തകം. ഇതിനു മുന്നെ എം.ടി യുടെ രണ്ടാംമൂഴം മാത്രമാണ് ഇങ്ങനെയൊരു ഒറ്റയിരിപ്പില്‍ വായിച്ചു തീര്‍ത്ത നോവല്‍ പുസ്തകം. ''മെര്‍ക്കുറി ഐലന്റ് ലോകവസാനം'' നിങ്ങളെ ഒരു സൈക്കോ ത്രില്ലര്‍ സിനിമയേ പോലെ , നിങ്ങളുടെ ഓരോ ശ്വാസഗതിയേയും പിടിച്ചു നിര്‍ത്താന്‍ കഴിയുന്ന ഒരു മനോഹരമായ ആസ്വാധന തലത്തിലേക്ക് എത്തിക്കുന്നു. അഖില്‍ .പി. ധര്‍മ്മജനെന്നു പറയുന്ന നോവലിസ്റ്റിന്റെ രണ്ടാമത്തെ മാത്രം നോവലാണിത്. അദ്ദേഹത്തിന്റെ ആദ്യത്തെ നോവലായ ''ഓജോ ബോര്‍ഡി''നെക്കുറിച്ച് കേട്ടറിഞ്ഞിട്ടുണ്ടെങ്കിലും വായിക്കാന്‍ കഴിഞ്ഞിട്ടില്ല. തലേദിവസം രാവിലെ 11 മണിക്ക് വായിച്ചുതുടങ്ങിയ ''മെര്‍ക്കുറി ഐലന്റിന്റെ'' അവസാന വരി വായിച്ചു നിര്‍ത്തുന്നത് പുലര്‍ച്ച 2.30 നോടടുത്താണ്. ആ മാത്രയില്‍ തന്നെ വേറൊന്നും ചിന്തിക്കാതെ ആമസോണില്‍ കയറി ''ഓജോ ബോര്‍ഡ്'' ഓര്‍ഡര്‍ ചെയ്തു. ഇന്നും ദുരൂഹതകള്‍ നിറഞ്ഞു നില്‍ക്കുന്ന ബെര്‍മുഡ ട്രയാങ്കളിലെ ചുറ്റിപറ്റിയുള്ള ഒരു കെട്ടുകഥയാണ് ഈ നോവല്‍. ബെര്‍മുഡ ട്രയാങ്കളിന്റെ അഗാതമായ ചുഴിയിലേക്ക് വായനക്കാരനെ വലിച്ചിടുന്നുണ്ട് ഈ പുസ്തകം. നിങ്ങളൊരു വായനക്കാരനാണെങ്കില്‍, നിങ്ങള്‍ സാഹസിഹത ഇഷ്ടപ്പെടുന്നവനാണെങ്കില്‍. ഇനിയിപ്പോള്‍ നിങ്ങള്‍ വായന തുടങ്ങുന്നുള്ളു എങ്കില്‍പ്പോലും നിങ്ങളൊരു മനുഷ്യായുസ്സില്‍ വായിച്ചു തീര്‍ക്കേണ്ട ഒരു പുസ്തകമാണ് 'മെര്‍ക്കുറി ഐലന്റ് ലോകവസാനം' . NB : ടൊവിനോ തോമസ് സിനിമയിലെ ഡയലോഗുകള്‍ പോലെ തികച്ചും സാധാരണക്കാരന്റെ ഭാഷയാണ്. സാഹ്യത്ത്യത്തിന്റെ അതിപ്രസരമൊന്നും കാണാന്‍ കഴിയില്ലായെന്ന് ഓര്‍മ്മിപ്പിക്കുന്നു.

വളരെ രസകരമായി വായിച്ചു തീർക്കാവുന്ന പുസ്തകം. ഒരു പേജ് വായിച്ചാൽ അടുത്ത പേജ് വായിക്കാനുള്ള ആകാംക്ഷ അവസാന പേജ് വരെ പുസ്തകം നിലനിർത്തിയിട്ടുണ്ട്.

അടിപോളി

ഇതിൻ്റെ second part3 ഉണ്ടെങ്കിൽ ഒന്ന് link അയയ്ക്കാമോ??