പുസ്തക പ്രേമികൾക്കിടയിൽ ഒരു മുത്താണ്???? ശാന്താറാം. പുസ്തകവുമായി ബന്ധപ്പെട്ട എല്ലായിടങ്ങളിലും ഈ പുസ്തകത്തെപ്പറ്റി ആണ് എല്ലാവർക്കും പറയാനുള്ളത്. ഇതിൽ കൂടുതൽ വേറെന്തു വേണം ഒരു പുസ്തക പ്രേമിക്കു അതു വായിച്ചു തുടങ്ങാൻ...? എല്ലാവരും പറഞ്ഞു പറഞ്ഞു കൊതിപ്പിച്ച ആ പുസ്തകം ഞാൻ ഒപ്പിച്ചു.. " ശാന്താറാം". ആദ്യദിവസം ഒരു 50 പേജ് വായിച്ചു തീർത്തു.. പിന്നീട് വരുന്ന ദിവസങ്ങളും അത് 40 ആയി.. പിന്നീട് 20 ആയി... സംഭവം ബോറടിപ്പിക്കുന്ന പോലെ അനുഭവപ്പെട്ടുതുടങ്ങി.. പക്ഷേ ഒരു നൂറ് പേജ് കഴിഞ്ഞപ്പോൾ... എനിക്ക് മനസ്സിലായി എന്തുകൊണ്ടാണ് എല്ലാവരും ശാന്താറാം എന്ന പുസ്തകത്തെപ്പറ്റി പറയുന്നതെന്ന്.. ഓരോ ദിവസവും പേജുകളുടെ എണ്ണം കൂടിക്കൂടി വന്നു... പിന്നെ ദിവസവും 100 പേജ് വീതം വായിക്കാൻ തുടങ്ങി.. അങ്ങനെ 646 പേജുള്ള ശാന്താറാം അവസാനിച്ചു... മുൻപ് എല്ലാവരും എഴുതിയ റിവ്യൂ കണ്ടിരുന്നെങ്കിലും ഞാൻ വായിച്ചിരുന്നില്ല.. കാരണം വായിക്കുമ്പോൾ ഉള്ള സുഖം നഷ്ടപ്പെടുമെന്നു കരുതിയാണ്.. അതുമാത്രമല്ല പുസ്തകത്തിന്റെ ചട്ടയിൽ ഉള്ളത് പോലും വായിച്ചില്ല.. അതുകൊണ്ടുതന്നെ ഈ പുസ്തകം എഴുതിയ എഴുത്തുകാരനെ ഞാൻ ഏറ്റവും അവസാനം ആണ് ശ്രദ്ധിച്ചത്. ഓസ്ട്രേലിയായിൽ ജനിച്ച് ബാങ്ക് കൊള്ള നടത്തിയതിന് പേരിൽ ജയിൽശിക്ഷ അനുഭവിച്ചിരുന്ന ആളായിരുന്നു എന്നും ശിക്ഷ തീരുന്നതിനു മുന്നേ അവിടെ നിന്നും ജയിൽ ചാടി ഇന്ത്യയിലേക്ക് വന്ന് മുംബൈയിൽ ജീവിച്ചിരുന്നതിന് പച്ചയായ ഏടുകളാണ് അദ്ദേഹം തന്റെ പുസ്തകത്തിൽ എഴുതി വെച്ചിട്ടുള്ളത് എന്നും മനസ്സിലാക്കിയത്... അതുകൊണ്ടുതന്നെ ഈ പുസ്തകത്തിലെ ഓരോ കാര്യങ്ങളും...വായിച്ചു കഴിഞ്ഞ പുസ്തകത്തിലെ പ്രധാന കഥാപാത്രവും എഴുത്തുകാരനും ഒന്നാണെന്ന് അറിയുമ്പോൾ.. ഇതിലെ കഥയും കഥാപാത്രങ്ങളും ജീവിച്ചിരിക്കുന്ന ആളുകൾ ആണെന്നറിഞ്ഞപ്പോൾ... വായിച്ചു തീർത്ത പുസ്തകത്തിന്റെ വീര്യം കൂടി... അതുകൊണ്ടുതന്നെ ഇത് വായിക്കുമ്പോൾ വായനക്കാരന് ഒരു വ്യത്യസ്ത അനുഭവപ്പെടും. ശാന്താറാം എന്നും പുസ്തക പ്രേമികൾക്കിടയിൽ ഒരു മുത്തായി തന്നെ നിലക്കോളും.. ഗ്രിഗറി ഡേവിഡ് റോബെർട്സ് എന്നാ എഴുത്തുകാരനും.