read it

it's very boring.

പുസ്തകം കാലത്തിൻ്റെ ഉൺമയിലേക്കുള്ള ദീപ്തമായ സൂചികയാണ്. താളുകളിലൂടെ നാം സഞ്ചരിക്കവെ പുതിയ അറിവുകൾ ചിത്തത്തിലേക്ക് ചേർക്കപ്പെടുന്നു. ഈ സംയോജനം വായനയെ അർത്ഥവത്താക്കുന്നു. ഇപ്പോൾ ഓർമ്മയിൽ മുഴങ്ങുന്നത് കുഞ്ഞുണ്ണിമാഷിൻ്റെ മൊഴികൾ - " പുസ്തകത്തിന് പുത്തകം എന്നു പറയുമായിരുന്നു. പുത്തകം എന്ന വാക്ക് എനിക്കിഷ്ടമാണ്. പുത്തൻ കാര്യങ്ങൾ അകത്തുള്ളത് പുത്തകം." അകത്തുള്ള പുത്തൻ കാര്യങ്ങളിൽ അന്തർലീനമായ സന്ദേശങ്ങൾക്ക് പലപ്പോഴും മൂർച്ചയേറും. അനുവാചകഹൃദയങ്ങളെ ആഴത്തിൽ തൊട്ട് അവരുടെ വീക്ഷണങ്ങളിൽ പുതിയ ചലനങ്ങൾ സൃഷ്ടിക്കാൻ പ്രാപ്തമായ തിരിച്ചറിവിൻ്റെ നിറവാണ് ഈ സന്ദേശങ്ങളുടെ ഊർജ്ജം. ഇവിടെ വായന സാധ്യതകളുടെ ലോകമാകുന്നു. " തരകൻസ് ഗ്രന്ഥവരി " എന്ന നോവലിലൂടെ അനുവാചകർക്ക് മുന്നിൽ അനാവൃതമാകുന്നത് പാരായണത്തിൻ്റെ നൂതനവും വ്യത്യസ്തവുമായ ഭാവമാണ്. അനന്തമായ സാധ്യതകളെ പോറ്റുന്ന ഈ ഭാവത്തിന് ആഴമേറെ. ഈ ആഴമാണ് " തരകൻസ് ഗ്രന്ഥവരി " യെ അവിസ്മരണീയമായ അനുഭവമാക്കുന്നത്. ക്രമരാഹിത്യം ഈ കൃതിയുടെ പ്രത്യേകതയാകുന്നു. ഏത് അദ്ധ്യായത്തിൽ നിന്നും വായന ആരംഭിച്ച് നോവൽ പൂർത്തിയാക്കാം. പതിനെട്ടാം നൂറ്റാണ്ടിനൊടുവിലും പത്തൊൻപതാം നൂറ്റാണ്ടിൻ്റെ ആരംഭത്തിലും കേരളചരിത്രത്തിൽ നിർണായക പങ്ക് വഹിച്ച തച്ചിൽ മാത്തു തരകൻ എന്ന വ്യാപാരിപ്രമുഖനിലൂടെയും ആ പരമ്പരയിലെ ഇപ്പോഴത്തെ കുടുംബത്തിലൂടെയും കഥാഗതി പുരോഗമിക്കുന്നു. ആശുപത്രിയിലെ മെഡിക്കൽ റെക്കോർഡ്, ശബ്ദസന്ദേശം, കുറിപ്പുകൾ, കത്തുകൾ, ചില മനുഷ്യരുടെ നിരീക്ഷണങ്ങൾ ,ഒരാൾ എഴുതാൻ ആഗ്രഹിച്ച രണ്ട് നോവലുകളുടെ ചിതറിയ ഭാഗങ്ങൾ തുടങ്ങിയവയിലൂടെ വികസിക്കുന്ന കഥാലോകത്തിൽ ചരിത്രവും ഭാവനയും പുതിയ കാലത്തിൻ്റെ സമസ്യകളും സമന്വയിക്കുന്നു. ' ചേർത്ത് വായിക്കാൻ ഏറെയുണ്ട് ഈ താളുകളിൽ. നാം ഇതുവരെ അറിഞ്ഞതിൽ നിന്ന് വ്യത്യസ്തമായ വായനയുടെ വഴികൾ പരിചയപ്പെടുത്തുകയാണ് ഗ്രന്ഥകാരൻ. ആട്ജീവിതവും മഞ്ഞവെയിൽ മരണങ്ങളും നിശ്ശബ്ദസഞ്ചാരങ്ങളും പിറന്ന തൂലികയിൽ നിന്ന് ജീവിതഗന്ധിയായ മറ്റൊരു രചന കൂടി. കാലത്തിൻ്റെ നേരുകളെ പ്രതിഫലിപ്പിക്കുന്ന എഴുത്തിൻ്റെ കരുത്തുറ്റ സാക്ഷ്യമാകുന്നു ഈ കൃതി.